مناقشات بين البنات و الاولاد

april كتب:: انا عندي سؤال:
ليه الاولاد بيزعلوا لما اخواتهم البنات بكلموا اولاد مثلا في الكليه معنهم بكلموا بنات

ممكن سؤال هو انت مع الاولاد ولا البنات واضح انك مع الصبيان جدا يا عم انت المفروض توجه اسالة للبنات مش للصبيان

صحصح كده وركز

يا مؤمن ابريل دي بنت مش ولد

يلا بقي جاوب علي سؤالها

يلا يا جماعه فين الاجابه عن السؤال بتاعي
على فكره يا مؤمن انا بنت
وانا طبعا مع البنات
تحياتي

april كتب:: يلا يا جماعه فين الاجابه عن السؤال بتاعي
على فكره يا مؤمن انا بنت
وانا طبعا مع البنات
تحياتي

والله مكنتش اعرف يا ابريل

واسف جدا

طيب يا مؤمن
بس فين اجابه السؤال

بصو يا جماعة الشاب بيطول شعرة وبيلبس سلاسل عشان حاجات كتيرة منها

1) التقليد الاعمى للغرب والشباب مفكر ان دة تقدم ولو معملش كدة يبقى متخلف
2) ممكن شاف انو اما يطول شعرة حيبقى شكلة حلو ووسيم

اما السؤال التانى لية البنات واخدة فكرة وحشة عن الشباب اللى بيحبوا يتعرفوا على النت لاسباب

1) اولا البنت دايما حتى لو شكلها مش حلو ولقت ولد عايز يتعرف علية اكيد ولازم انها تصدة لية بقى لانها فاكرة انها لو اتعرفت على الولد بسهولة وبسرعة من غير اما تحيرة ان كدة هى سهلة وان الولد بيفكر انها بكدة بتتكلم معاة ومع غيرة وانها عادى فى اى حاجة

2) يا اما البنت مستنية حبيبها على النت ومش فاضية وهو لسة مجاش وخايف يجى يلاقيها بتكلم واحد تانى يقوم يسيبها وانتو عارفين ان البنت اما بتحب بتحب قوى

3) مفيش بنت بتتكلم على النت وملهاش اصحاب على النت ولو البنات حبوا يوهمونى بغير كدة يبقى لمؤاخذة ما بيحصلش
لان دةى طبيعة البشر البنت عايزة تكلم ولد والولد عايز يتكلم بنت ومفيش غير كدة لان البنت لو كلمت بنت على طول بتمل قوى والولد لو كلم ولد على طول بيطهق فواعى توهمونى ان بيحصل غير دة

وعلى فكرة دة لراى واللى حاسس بية ومتاكد منو

مناقشات بين البنات و الاولاد - صفحة 2 11111ey7

شكرا يا استاذ حمادة على التوضيح

شكرا على ردك الجميل البسيط بس ياريت دى متكونش تريقة يا مؤمن انا كل اللى عايزة اللى يكون فاهم حاجةاكتر يوضحها ويكون اعضاء المنتدى كلهم بيفكروا للصح مش للمجاملات

شكرا للك مؤمن باشا

moh_elcoach كتب:: شكرا على ردك الجميل البسيط بس ياريت دى متكونش تريقة يا مؤمن انا كل اللى عايزة اللى يكون فاهم حاجةاكتر يوضحها ويكون اعضاء المنتدى كلهم بيفكروا للصح مش للمجاملات

شكرا للك مؤمن باشا

ياباشا هو انا اقدر اتريق ده يبقى عيب عليه والله لو في كلمة اكتر من شكرت كنت قلتهالك وفعلا انت وضحت صح

ويا ريت انت تطرح سؤال

السلام عليكم

-انا معاك فعلا انو تطويل الشعر ولبس السلاسل دا تخلف

ويمكن كمان طيش وتقليد اعمى وكل شاب بيحب يلفت نظر كل اللى حواليه

مع انى بحس ان المحترم بيلفت نظري اكتر بس طبعا لازم يكون شيك اوووووووووووي

-لان معضم الشباب بيكونو قصدهم وحش

ودا تقريبا العرف فى كل المجتمعات العربيه ان اى حوار بين البنات والشباب على النت فاشل وعيب

-اولا مفيش بنت شكلها مش حلو وحتى لو مش جميله يكفى انها بنت يعنى بردو فيها الطمع

وهى مش بتحير ولا حاجه دى فكرت الاولاد ومش راضيه تطلع ابدا

-اكيد لو اى حد بيكلم حبيبو بيبقى مش فاضى للدنيا واللى فيها هيكون عايز ايه تانى

-ومدام هو اصلا مش واثق فيها وخايف
بيكلمها ليه وهى لو دردشت على النت شويه يستاهل الموضوع انو يسبها ودا بقى السؤال

-انت تقصد ايه بأصحاب

احنا مثلا فى المنتدى اصحاب وانا شايفه انو عادى متزعلش حد حتى لو حبيب

اهو احنا بنكلمكو وانتو بتكلمونا وكلو فى حدود الادب يعنى مفيهاش حاجه

ولا هو لازم الصحوبيه على النت تبقى بقله الادب

-وبعدين البنت تطهق ليه يعنى وهى بتكلم بنت فى وجه نظر حضرتك

انا شايفه انو لا والف لا

تحياتى

مشرفتى العزيزة واختى الفاضلة فى حاجات كتيرة غايبة عنكم ممكن عشان انتم صغيرين

لكن تسمحى لى سيدتى الجميلة ان اشرح لك ماهى الصداقة وما هو الحب دة من وجهة نظرى طبعا

سيدتى الفاضلة :-

الصداقة دى لها معنى تانى بس مش بيختلف عن الاولانى

الاولانى صاحبى وصديقى وبحكيلة عن كل حاجة وبيمر عليا ونروح نسهر سوا وساعات يجيلى فى البيت

المعنى التانى هو هو الاولانى لكن باختلاف اية هو

الصداقة دى شىء جميل جدا ياةةة وفى كتير مفكراه انو هو المعنى الاولانى لكن بالنسبة لى انا لا

الصداقة هى تالف بين قلبين مشاعر ممزووجة رغبات استحوازية فاضلة حشرح لحضرتك معانى الكلام اللى انا بقولو

يعنى انا عايز صاحبى اللى عايز يكون صديقى يكون صديقى بشدة وبجد يحبنى حب اخوى

سواء كان ولد او بنت

يكون جنبى وقت الشدة يحس بيا وبافعالى لو وجدنى افعل خطا ينصحنى ويفهمنى الصح

لو وجدنى مظلوم يحاول وبكل جهدة ان يزيح عنى الظلم لو يقدر

يساعدنى لو حس ان انا عايز مساعدة بس من غير متبان انها صدقة لا تبان كانها مساعدة ومساعدة اخوية وبنفس رحبة

صديقى او صديقتى ........... هو اخى او هى اختى الذى لم تلده امى يكون اخ بكل المعانى

صديقى او صديقتى هو اللى انا بحكيلة على الحاجات اللى مقدرش اصارح بيها امى واخواتى

وهو اللى بيقولى اعمل اية ومعملش اية

صديقى صديقتى قلب حنين صدر رحب ليا ساعة اما الدنيا تقفل فى وشى

والباقى حوضحولك كلة اما موضوعى الجاى اللى هو عن الصداقة وشكرا

السلام عليكم

اخى الفاضل محمد

تعريفك للصداقه تعريف رائع جدا وجميل واكيد كل انسان محتاج لصداقه بالتعريف الرائع دا

بس اسمحلى اقولك انك غلط فى حاجه

الصداقه اللى انت بتقول عليها دى وبتوصفها الوصف دا صعب جدا تكون بين اى ولد وبنت

ولو كانت اذا هى ليست بالمره صداقه بل هى حب

والمفروض ان احنا مسلمين وان فى دين بيحكمنا مش هنمشى على هوانا يعنى علاقه بامنظر دا

بين ولد وبنت ونقول صداقه بريئه لا بجد انا شيفاها حرام وكمان عيب

والمفروض ان اى علاقه بين الولد والبنت اللى هما اصحاب بيكون فيها حدود لان كل اللى

حضرتك قلته صعب ان البنت تدى لولد صاحبها بس ممكن اوى يكون لزوجها وحببها

وبعدين مين راجل يقبل ان زوجته تصاحب اى ولد او رجل كده

ولو كانت مصاحبه من قبل اكيد لو اتجوزها هيخليها تقطع علاقته بكل اللى تعرفهم

ولو معملش كده يبقى بصراحه........... من غير ما اقول اكيد انتو عارفين

وانا بنتظر الموضوع الجاى بس يا ريت تتكلم عن صداقه ولد بـولد وبنت بـبنت

ونراعى الدين شويه فى كل كلامنا لاننا محاسبين عن كل كليمه

تحياتى

صمت الذكريات كلامك رائع وكل كلمة قلتيها أنا بأيدها

الناس دلوقتي كل واحد بيمشي علي هواه واللي شيفه صح بيعمله زي أكن مفيش حساب

والناس اللي بتقول إن الصداقة بين الولد والبنت حاجة عادية ومش عيب ولا حرام فأنا بقولهم ان احنا عمرنا ما سمعنا عن صحابية بتتكلم مع صحابي او اصحاب او حاجة زي كدا
ومحدش يقول ان الزمن اتغير ..... للأسف الزمن ما اتغيرش احنا اللي اتغيرنا ...و مهما حصل في الزمن فاحنا قدوتنا الرسول صلي الله عليه وسلم وأصحابه .... وزي ما هما كانوا بيعملوا احنا هنعمل وسيبكم من الكلام اللي مش مقنع بتاع الزمن اتغير واحنا في عصر الانفتاح والحاجات دي

لأن احنا لما نتحاسب يوم القيامة ربنا هيحاسبنا احنا بتصرفتنا مش هيحاسب الزمن اللي احنا كنا عايشين فيه واعتقد ان كل مسلم عارف ايه الحرام من الحلال وكفاية بقي لف ودوران حولين الغلط

عسى ربنا يرحمنا علي كل حاجة بنعملها

تحياتي

واتمني من الجميع ابداء آرائهم بوضوح وصراحة

يا جماعة اي حد يطرح سؤال

السلام عليكم

انا طرحت سؤال فى وسط الكلام بس تقريبا مفيش حد اخد باله

اطرحه تانى

لو بنت دردشت على النت شويه وحببها عرف انها بتدردش يستاهل الموضوع انو يسبها ولا ايه رأيكم يا شباب؟

وكمان هو يقبل انو حببتو تدردشعلى النت ولا لاء ؟

تحياتى

انا برأيي الموضوع مايستهلش انه يسبها علشان سبب كده

اما هوا يقبل ولا لأ متهيألي دا حسب شخصيته
تحياتي

المفروض اصلا اللي بتحب حد مبتشوفش غيره ومتحبش انها تكلم حد غيره

صحيح الموضوع ميوصلش لان هما يسيبه بعض بس اكيد حاجه تتدايق

بس كمان حسب نوع الدردشه اللي هي بتدردشها يعني لو بتتكلم في حاجات مش كويسه لا يبقي يسيبها احسن
انما لو عادي دردشه عاديه مش لازم يعني تدردش مع اولاد مهم البنات كتيييييير

مع حبي

لو بنت دردشت على النت شويه وحببها عرف انها بتدردش يستاهل الموضوع انو يسبها ولا ايه رأيكم يا شباب
مش للدرجة دي طول ماهي مجرد دردشة مش اكتر
وكمان هو يقبل انو حببتو تدردشعلى النت ولا لاء ؟
باحترام

ليه الولاد دايما بيعكسوا البنات في الشوارع

بالرغم من انهم ميحبوش كده لاخواتهم

هقولك ليه لان الولد من دول بيحب يفتخر ادام اصحابه انه بيعاكس بنات ويعرف بنات وكده
ومن وجهة نظرهم انه كده يبقى رااجل،مع انه احقر من ان ينطبق الكلمة دى عليه،وكمان عشان يقلد اصحابه
ومبيقاااش اقل منهم، وطبعا فى بنات اساسا بتخرج بتكون غرضها انها تتعاكس وده بيفتح مجال اكتر
للشباب أنهم يعاكسوا البنات سوااااء كانوا بقى محترمين او غير محترمين
وبصراحة انا ضد اى شخص يقوول ان دوما البنت هى السبب فى انها تتعاكس
هو طبعا مش دوما، انا زى ما قولت فى بنات بيكون غرضها تتعاكس
وفى بنات تانية بتكون ماشية بمنتهى الاحترام ولبسة محتشم جدا وتتعاكس بردو
ده دليل ان الولد مش فارق معاه يعاكس مين المهم يعاكس وخلاص ويلاقى واحدة من اللى بيعاكسها
تعبره بكلمة عشان يجر معاها حوارات وصداقات ويروح لاصحابه يلقهم اعرف بنت ويفتخر بكده
مع انه تخلف اوى التفكير ده
بس هنعمل ايه ربنا يهدى جميع شبابنا

ولو يااسيرة عندك رأى تضيفيه ابقى ضيفى
عشان استفيد منك أكتر لانى حسة انى بردو مجبتش الرأى التمام
ممكن يكون عندك أنتى

السلام عليكم

المفروض السؤال دا للاولاد يردو عليه

بس انا فى راي ان فى بنات مش تستاهل تتعاكس دى يمسكوها يموتوها احسن بدل ما يعكسوها

والبنت المحترمه اللى يعاكسها ولد يبقى هو عندو نقص فى شخصيته وهو فاكر انو كده بيسبت رجولته

بالعكس بقى هو بيقلل من احترام نفسه بس بردو بيبقى معاكسته للمحترمه مش زى المش محترمه

وفى الاخر هو داء عند الصبيان صعب يمشى حاطط لسانه فى فمه لازم يتكلم ممكن تكون معفنه بس بردو بيتكلم وخلاص

وربنا يهديكم

تحياتى

السلام عليكم ورحمة الله وبركاتة

اولا الولد ممكن ياكس الواحدة اللى لافتة للانتباه

بعد كده الاولاد بيحموا يضيقوا البنات مش عارف ليه

يعنى واحد زيي انا بعرف اعاكس كويس اوى اوى اوى

بس انا مش بحب كده لانى هاخد زنوب على الفاضى لييييييييييييييه؟؟؟؟

وكمان اقوللك حاجة يا صمت الولد لو شاف واحدة لافته للانتباه(معفنه) لازم يرد حتى لو يرده فى سره

لو انا هقول يععععععععععععع اوهشتمها فى سرى اصلا مش بحب البنات ديه خالص

وكمان زي منا قولتلك الولد عنده غريزه الرخامه وديه بجد بس فيه صبيان ملهمش دعوة بده خالص مش هقولك انا منهم

انا فى الوسط يعنى كويس ههههههههههههههههههه

و زي منتى قولتى هوه بيقلل من احترامه اوى اوى انا مبحبش الصبيان دول يعنى انا مره كنت ماشى مع اصحابى واحد

صحبى عاكس واحدة راحت هيه شتمته وده عيب اوى اوى عندنا احنا الصبيان يعنى انا لو واحدة شتمتنى انا اروح ادفن نفسى

احسن

شكرا على الموضوع الجامده ده يا صمت انتى واسيرة

مع حبى

» فساتين سهرة للبنات >> ممنوع دخول الاولاد
» سر جاذبية البنات