*** ما الفرق بين خيانة الرجل وخيانة المراة....؟؟؟***

شكرا يا كوتش جدا على الرد الرائع جدا عليا


بس و حضرتك خدت بالك من كلامي انا قلتلك من الاول ان الناس و المجتمع هم احنا

و انا كفرد من المجتمع طبعا طبعا هاكون بالوم الست على الخيانة اكتر من الراجل

عشان زي ماقلتلك هي اللي بتربي فلما اللي بتربي تكون خاينة يبقى المجتمع شكله ازاي

و انا برضه معاك لما بتقول ان الانسان لما بيجي يخطب بيشوف فعلا دي بنت مين و اخلاقها ازاي

بس برضه لازم يكون الولد كويس عشان يعرفوا هم بيودا بنتهم لمين

كل الاولاد فعلا ليهم علاقات بس العلاقات دي برضه المفروض انها ماتكونش وصلت لمراحل متطورة

يبقى هو برضه فين تربيته و فين اخلاقه ماحدش هايدي بنته لواحد ماعندوش اخلاق حتى لو الاهل وافقوا البنت مش هاتوافق

و قلتلك قبل كده البنات ليهم حاجات بيخافوا عليها مش بتكون موجودة عند الصبيان يعني برضه انا معاك

و فعلا لو جوزي مرتبه قليل مش هافرض عليه انه يعمل اي حاجة غلط عشان يأكلني قلتلك انا مش مستعدة ادخل النار و لو ثانية عشان خاطر حد


و عايزة اقولك على حاجة برضه الدين بتاعنا اساسا قائم على الاخلاق

قال الرسول صلى الله عليه وسلم (( انما بعثت لأتمم مكارم الاخلاق))

فالاخلاق هي اللي بتحكم المجتمع و الحمد لله لسه في اخلاق و دا اللي مطمني


و شكرا بجد كان حوار لذيذ

في انتظار القنابل و المفاجآت يا أستاذي الفاضل

و شكرا على التنبيه عشان نستعد بالمدرعات


تحيـــــــــاتي

شكرا على ردك اختى العزيزة لكن بردو عندى حتة لازم اقلهالك بس مرضتش اقولهالك غير اما تخلصى كلامك


بصى يا ستى انا حتكلم بالنسبة لمصر لانى مش اعرف قوى عادات وتقاليد الدول العربية الاخرى الا قليل


عندنا فى مصر نسبة عدد البنات الموجودة اكتر بكتير من نسبة عدد الالولاد الموجودين

عشان كدة اية اللى بيحصل



ذادت نسبة العنوسة فى مصر بالنسبة للبنات اكثر من الرجال بدرجة رهيبة

اولا الاحوال المعيشية هنا مصر زادت فوى لدرجة رهيبة

يعنى تقريبا 75% من الرجال اللى بشتغلوا بياخدوا رواتب ضعيفة جدا متقدرش حتى تعيشه هو ذات نفسة بمفرده


واهل العروسة بقوا يتشددوا فى كتير من الطلبات والجهاز بالنسبة للعريس

لدرجة ان اكتر الناس اللى بيشتغلوا ورواتبهم ضعيفة او دخلهم على قده هما الناس اللى مبتعرفش تتصرف

مش لا مؤاخذة مكسلين انهم يشتغلوا شغل اضافى او غيرة بالعكس

كلو عشان يكسب كويس لازم يخالف ربنا او يضحك على الناس عشان يكون عندة فلوس ويقدر يا دوب يجيب شقة

وصدقينى مفيش شغل اصلا عشان يدور على شغل اضافى واو اجتهد حتى فى الدراسة ووصل لاعلى المراتب مبيتعينش عشان ميزيانية مصر خرابانة

لدرجة انهم كانوا بيعينوا اوائل الدفع يا اما معيدين او اى شغل تانى

دلوقتى منعوها

حتى لو المكان بتاع الشغل دة مفيهوش موظفين قد كدة الدولة مبتحاولش توظف يعنى الدولة ماشية بنظام شغل 100 يشيله 10

عشان يوفروا ميزانية

انا والدتى تعمل لاكثر من 30 سنة ومرتبها لسة موصلش 500 جنية

اخويا حاصل على بكالريوس الطب والجراحة وبتقدير امتياز ومش لاقى فلوس عشان يعمل ماجستير وشغال فى الحكومة فى مستشفى القصر العينى بمرتب 200 جنية شهريا وقاعد فى شقة مع 5 غيرة وبيدفع 80 جنية شهريا ومبيلاقيش تمن المواصلات اللى يرجع بيها لدرجة انو مبيجيش البيت الا كل 5 اشهر

انا حاصل على كلية الاداب قسم اللغة الانجليزية وهو قسم مطلوب فى العمالة وفى اماكن فاضية كتير بس للاسف متعينتش لغاية دلوقتى وانا عمرى 28 سنة وخلص كلية بقالى 8 سنين

والحكومة معندهاش ميزيانية عشان تعين حد

اتقدمت لواحدة حاصلة على الاعدادية يعنى جاهلة طلبوا منى 20 الف جنية دهب ودة طبعا غير العفش وخلافه والشقة اللى اصلا مش موجودة


معلش انا طولت عليكى بس انا بقلك كل دة عشان اعرفك حاجة انتى مش واخدة بالك منها


يا سيدتى الفاضلة الناس فى مصر بالنسبة للولد اما يجى يتقدملهم عشان يخطب بنتهم لا يلقوا بالا الا لشىء واحد هو بيشتغل ولا لا عندو شقة ولا مرتبه كام 500 جنية لا اركنة على الرف عايزين واحد يجيب لبنتهم شبكة غالية وشقة واسعة

عشان كدة الاهالى اما تلاقى شخص جاهز من مجاميعة بتوافق علية عل طول وحتى البنت ذات نفسها بتبص هى حتعيش فين وحتاكل اية وصدقينى لو لقت الشخص كحيان معندهوش كيت وكيت بترفضة وتوافق عل شخص ممكن اخلاقة متكونش كويس بس معاة فلوس ويقدر يعيشها

حقلك عل مثال بسيط مثلا النت دة مش موجود عند كلو انتى عارفة لية وانا اولهم لانة تكاليفه غالية بالنسبة لى ولغيرى كتير

اصل انا عامل مشروع توصيل نت الى المنازل شبكة نت يعنى وتقريبا بحصل عل 750 جنية شهريا ومبيكفوش مصاريفى انا شخصيا مع انى مش مبذر خالص لكن الحياة عندنا غالية قوى واللى جى اقل كتير من اللى رايح

انت عارفة انا اتقدمت بردو لواحدة بس بتشتغل انتى عارفة اول ما اتكلمت اترفضت من غير ما يعرفوا اخلاقى ولا غيرة عشان مبشتغلش او بمعنى اصح مش متعين فى الحكومة


اسف عل الطالة ولكن كان لازم افهمك عشان انتى لسة صغيرة واكيد لسة متقدمش حد وانت مخدتيش بالك من اللى بيحصل او اللى بيدور هنا وهناك

يا استاذي الفاضل محمد
انا عارفة كل الكلام دا بس والله ولو حتى مين و معاه فلوس الدنيا كلها انا عارفة اهلي هايوافقوا على ايه

اول حاجة الاخلاق
و بعدين طبعا اكيد المستوى الاجتماعي دا بيفرق عشان الاب لازم يفكر الف مرة هو بيودي بنته فين ماهو مش معقول اللي هاياخدها دا هايأكلها و يشربها اخلاق

برضه المستوى المادي ليه دوره

بس على فكرة في الاول و في الاخر دي كلها ابتلاءات و الا ماكانتش الدنيا اسمها دار الشقاء و دار الابتلاء

و بعدين اللي عايز يعمل حاجة بيجاهد عشان يوصلها و المفروض الانسان مايغلبش و لا ييأس من رحمة ربنا و يفضل مستنيها

وحتى لو الانسان مؤهله كويس بس لازم برضه يحرك نفسه عشان يوصل لهدفه و مش هايوصل للهدف دا الا بالتعب و التفكير الكتير

انا عارفة انت هاتقولي انت مارجربتيش و بتتكلمي كده من النظريات اللي بتسمعيها

بس انا هاقولك والله ابدا الحكاية دي انا مجرباها مش شخصيا صح بس هي صاحبتي مخلصة برده اداب قسم انجليزي و بتشتغل و في القاهرة يعني وسط الزحمة

االمؤهل الجامعي لوحده مش هايشغل و كلنا عارفين كده انا في كلية عملية و متأكده ان شهادتي دي مالهاش لازمة من غير كورسات

و على فكرة اعرف ناس كتير لسة متخرجين و اشتغلوا على طول مع انهم ماكانوش شاطرين في كلياتهم

و اعرف ناس كانوا شاطرين و اتخرجوا من زمان و لسه ماشتغلوش و بطريقتهم دي ولا عمرهم هايشتغلوا

انا فهمت قصدك ايه بس ياريت كمان يكون وصلك قصدي


شكرا

اولا شكرا يا محمد على الموضوع الجامد ده

المهم اقوللك حاجة كلام ننوسه صح

يعنى الراجل لو خان الست مش هتعمل حاجة غير هتفول عايزة تتطلق بس لو الست اللى خانت ايه اللى هيحصل؟؟؟؟


طبعا هيبقى شكلها وحش اوى اوى علشان ديه ربة المنزل و هيه اسوة لولادها البنات يعنى لو خانت بناتها لما يكبروا ممكن يعملوا زيها واكتر ده وايه ......والراجل كمان لو ولاده عرفه الموضوع ده هما كمان لما يكبروا هيعملوه كده ببساطة خالص....بس كده


تقبل مرورى


تحياتى